ختم نبوت کے قانون پر سمجھوتا نہیں ہو گا ،وزیراعظم

جی ایس پی پلس اسٹیٹس پر وزیراعظم کی زیر صدارت اہم اجلاس ہوا،  یورپی یونین کی قرار داد میں اٹھائے جانے والے نکات  کے حوالے سے مشاورت کی گئی۔

ذرائع کے مطابق  حکومت نے یورپی یونین کے تحفظات دور کرنے کا فیصلہ کیا ہے۔وزیر اعظم عمران خان نے کہا کہ   ختم نبوت کے قانون پر سمجھوتا نہیں ہو گا۔

ذرائع کے مطابق  جبری گمشدگی،صحافیوں کے تحفظ ،آزادی اظہار کے قوانین جلد پارلیمنٹ میں لانے کا فیصلہ کیا گیا ہے۔ اقلیتوں کے حقوق کے تحفظ کو یقینی بنایا جائے گا۔ جی ایس پی اسٹیٹس کے حوالے سے ہونے والے معاہدے کا توہین رسالت قوانین سے کوئی تعلق نہیں ہے۔

خیال رہے کہ گزشتہ دنوں یورپی پارلیمنٹ نے پاکستان کے خلاف قرارداد بھاری اکثریت سے منظور کی تھی۔

یورپی پارلیمنٹ میں 6 کے مقابلے میں 681 ارکان نے قرارداد کی حمایت کی تھی جبکہ قرارداد میں پاکستان کیلئے جی ایس پی پلس پر نظر ثانی کرنے اور اقلیتوں سے متعلق امتیازی قوانین کے خاتمے کا مطالبہ کیا گیا ہے۔