ابھی تک فیصلہ نہیں ہو سکا کہ نگران حکومت کی گھنٹی کس کے گلے میں ڈالنی ہے،شیخ رشید

عوامی مسلم لیگ کے سربراہ ور سابق وفاقی وزیر داخلہ شیخ رشید احمد نے کہا ہے کہ بلاول کو آخری دن سمجھ آئی ہے کہ حکومت اداروں کو اپنی حدود میں کام کروانے میں ناکام رہی ہے. رخصتی میں 48 گھنٹے رہ گئے ہیں تو انہیں میثاق جمہوریت کی قبر یاد آ گئی ہے.

اپنے ٹویٹ میں شیخ رشید کا کہنا تھا کہ جو کہتے تھے ڈالر اور سرمایہ کاری لائیں گے اُنہوں نے آسمان سے مہنگائی کی بارش کر دی ہے. حکومت بجلی صارفین پر مزید 144 ارب روپے کا بوجھ ڈال سکتی ہے، ڈالر عنقریب 300 کراس کر جائے گا غریب چیختا چلاتا رہ جائے گا

بلاول کو آخری دن سمجھ آئی ہے کہ حکومت اداروں کو اپنی حدود میں کام کروانے میں ناکام رہی ہےرخصتی میں 48 گھنٹے رہ گئے ہیں تو انہیں میثاق جمہوریت کی قبر یاد آ گئی ہے جو کہتے تھے ڈالر اور سرمایہ کاری لائیں گے اُنہوں نے آسمان سے مہنگائی کی بارش کی ہے ابھی تک فیصلہ نہیں ہوسکا کہ 24…

— Sheikh Rashid Ahmed (@ShkhRasheed) August 8, 2023

انہوں نے مزید کہا کہ ابھی تک فیصلہ نہیں ہوسکا کہ 24 کروڑ ایٹمی ملک کی نگران حکومت کی گھنٹی کس کے گلے میں ڈالنی ہے اور کتنے عرصے کے لیے ڈالنی ہے سپریم کورٹ مزید خاموش رہی تو سب کچھ بہہ جائے گا چلمن کے پیچھے والے چہرے سامنے آجائیں گے آئین اور قانون ہاتھ جوڑ کر باادب کھڑا ہو جائےگا۔ اتحادی پارٹیوں میں اتحاد کےعلاوہ ہر چیز موجود ہے نگران وزیراعظم کا فیصلہ بھی پارلیمانی کمیٹی یا الیکشن کمیشن کے پاس جا سکتا ہے

عوامی مسلم لیگ کے سربراہ نے کہا کہ 24 کروڑ لوگوں کو بھیڑ بکریوں کی طرح چلایا جا رہا ہے الیکشن میں جارہے ہیں لیکن الیکشن کمیشن کا حلقہ بندیوں پر اور نئی مردم شماری پر ابھی تک واضح اعلان نہیں آیا۔  جب تک عوام کو قومی معاملات میں شامل نہیں کیا جا ئےگا اُس وقت تک ملک کے سیاسی اقتصادی معاشی اور مالیاتی حالات ٹھیک نہیں ہو سکتے