این ڈی ایم اے نے دریائوں اور مون سون بارشوں کے حوالے سے تازہ رپورٹ جاری کر دی

پروونشل ڈیزاسٹر مینجمنٹ اتھارٹی پنجاب نے دریائوں اور مون سون بارشوں کے حوالے سے تازہ رپورٹ جاری کر دی۔

ترجمان پی ڈی ایم اے کی جانب سے منگل کو جاری کی گئی رپورٹ میں کہا گیا ہے کہ دریائے سندھ میں پانی کی سطح میں مسلسل اضافہ ہو رہا ہے، تربیلا اور کالا باغ کے مقامات پر نچلے درجے کا سیلاب ہے، تربیلا کے مقام سے 2لاکھ 54ہزار اور کالا باغ کے مقام سے 2لاکھ 77ہزار 451 کیوسک پانی کا ریلا گزر رہا ہے، چشمہ اور تونسہ کے مقامات پر پانی کی سطح میں اضافہ ریکارڈ کیا گیا ہے۔

دریائے جہلم، چناب اور راوی میں پانی کا بہا ئو معمول کے مطابق ہے، دریائے ستلج میں ہیڈ اسلام کے مقام پر نچلے درجے کا سیلاب ہے، ہیڈ اسلام میں پانی کی آمد 62ہزار 801 اور اخراج 61ہزار 351 ہے، دریائے راوی میں شاہدرہ اور سدھنائی کے مقامات جبکہ دریائے چناب میں ہیڈ خانکی کے مقام پر پانی کی سطح میں اضافہ ہو رہا ہے