چیئرمین پی ٹی آئی کے وکلاء کے خلاف تھانہ سٹی اٹک میں مقدمہ درج

چیئرمین پی ٹی آئی کے وکلاء شیر افضل مروت اور عمیر نیازی کے خلاف تھانہ سٹی اٹک میں مقدمہ درج کر لیا گیا۔ دونوں وکلاء پر کار سرکار میں مداخلت کرنے پر مقدمہ درج کیا گیا۔

ڈپٹی سپریٹنڈنٹ جیل کی مدعیت میں تحریک انصاف کی قانونی ٹیم کے وکلا شیرافضل مروت اور عمیر خان نیازی کے خلاف مقدمہ درج کرلیا گیا ہے، جس کے متن میں ہے کہ وکلا نے بدتمیزی کی اور مجھ پر حملہ آور بھی ہوئے، جب کہ وارڈن ابرار خان کی وردی  پھاڑی اور دھمکیاں بھی دیں۔ 

مقدمے کے متن کے مطابق مدعی مقدمہ کا بیان ہے کہ دونوں وکلاء چیئرمین پی ٹی آئی سے ملاقات کرنے آئے، تاہم جیل لاک اپ ہونے کے بعد ملاقات ممکن نہیں، جس پردونوں وکلاء مشتعل ہو گئے بدتمیزی کی۔