بیجنگ میں شدید بارشوں کے نتیجے میں 33 افراد ہلاک، 18 لاپتہ ، چینی حکام

چینی حکام کے مطابق بیجنگ اور اس کے نواح میں ہونے والی ریکارڈ توڑ بارش کے نتیجے میں 33 افراد اپنی جانیں گنوا بیٹھے جبکہ 18 افراد ابھی تک لاپتہ ہیں۔

غیر ملکی خبر رساں ایجنسی کے مطابق چین کے دارالحکومت میں حالیہ ہفتوں کے دوران شدید بارشیں ہوئی ہیں جس کے نتیجے میں انفراسٹرکچر کو نقصان سمیت کئی علاقے بھی  پانی میں ڈوب گئے۔ حکام کے مطابق بارشوں میں 33 افراد کی موت واقع ہوئی ہے۔

بیجنگ کے نائب میئر شیا لن مائو نے ایک پریس کانفرنس میں کہا کہ  ڈیوٹی انجام دیتے ہوئےاہلکاروں اور بد قسمت سیلاب متاثرین کی اموات پر افسوس ہے۔

بیجنگ نے اس سے قبل جمعہ کے روز اعلان کیا تھا کہ گزشتہ ماہ کے دوران طوفان اور بارش کے سبب 147 افراد لاپتہ یا موت کے منہ میں چلے گئے