جمہوریت کا چہرہ داغدار کرنے کے بعد ملکی تاریخ کی بدترین حکومت کا خاتمہ ہو گیا،عثمان ڈار

پاکستان تحریک انصاف کے رہنما اور سابق ممبر قومی اسمبلی عثمان ڈار نے کہا ہے کہ جمہوریت کا چہرہ داغدار کرنے کے بعد ملکی تاریخ کی بدترین حکومت کا خاتمہ ہو رہا ہے۔ یہ حکومت اور ان کی اتحادی تاریخ میں فاشسٹ اور امپورٹڈ حکومت کے طور پر یاد رکھے جائیں گے۔

اپنےٹویٹ میں پی ڈی ایم کی حکومت پر تنقید کرتے ہوئے عثمان ڈار کا کہنا تھا کہ پچھلے 16 ماہ میں پاکستان نے بد ترین معاشی حالات کو جنم دیا، انسانی حقوق کی سنگین ترین خلاف ورزیاں ہوئیں، آئین ٹوٹا، قانون پیروں تلے روندا گیا، گرفتاریاں، چھاپے مقدمات اور خواتین کی بے حُرمتی کا نہ ختم ہونے والا سلسلہ دہشت، نفرت اور انتقام کا وہ لاوا بھڑکایا گیا جو شاید نسلوں تک منتقل ہوگا۔

جمہوریت کا چہرہ داغدار کرنے کے بعد ملکی تاریخ کی بدترین حکومت کا خاتمہ ہو رہا ہے۔ یہ حکومت اور ان کی اتحادی تاریخ میں فاشسٹ اور امپورٹڈ حکومت کے طور پر یاد رکھے جائیں گے۔ پچھلے 16 ماہ میں پاکستان نے بد ترین معاشی حالات کو جنم دیا، انسانی حقوق کی سنگین ترین خلاف ورزیاں ہوئیں، آئین…

— Usman Dar (@UdarOfficial) August 9, 2023

انہوں نے کہا کہ بد ترین مہنگائی کے باعث ملکی تاریخ میں پہلی بار مڈل کلاس طبقہ تباہ و برباد ہو گیا، روزگار، کاروبار کے تمام وسائل چُن چُن کر ختم کر دیئے گئے۔ حکمران اور اس کے اتحادی عوامی سطح پر نفرت کی علامت بن چکے ہیں۔ چند لوگوں کے اقتدار کیلئے ملک کی سب سے بڑی جمہوری پارٹی اس کے لیڈر، رہنماوں اور کارکنان کے خلاف تاریخ کا سب سے بڑا کریک ڈاؤن مورخ تاریخ میں لکھ چکا۔

رہنما پی ٹی آئی نے مزید کہا کہ لیول پلیئنگ فیلڈ کے نام پر زندان کے دروازے کھول کر ججز سے زور زبردستی کے فیصلے لکھوانے  اور اس ملک کی معاشرت تباہ کرنے والے اپنے انجام سے ضرور دو چار ہوں گے۔ انشااللہ