190 پلین پاونڈ اور توشہ خانہ نیب کیس ،سابق وزیراعظم کی درخواست ضمانت خارج

احتساب عدالت نے 190 پلین پاونڈ اور توشہ خانہ نیب کیس میں سابق وزیراعظم عمران خان کی درخواست ضمانت خارج کردی۔ نیب چیئرمین پی ٹی آئی کی تحویل اٹک جیل سے لے  سکتی ہے۔

اسلام آباد کی احتساب عدالت نے 190 پلین پاونڈ اور توشہ خانہ نیب کیس میں چیئرمین پی ٹی آئی اور ان کی اہلیہ بشریٰ بی بی کی ضمانت سے متعلق محفوظ فیصلہ سنا دیا۔ نیب کی جانب سے گرفتاری مطلوب نہ ہونے پر بشریٰ بی بی کی درخواست غیر موثر قرار دے دی گئی۔

احتساب عدالت نے عدم پیروی پر عمران خان کی درخواست ضمانت خارج کی جب کہ بشریٰ بی بی کے وارنٹ جاری نہ ہونے پر درخواست نمٹا دی گئی۔ جج محمد بشیر نے ہدایت جاری کرتے ہوئے ریمارکس دیئے کہ بشری بی بی کونیب نہ پکڑے، یہ نہ ہو کہ شام کو انہیں پکڑلیں۔

نیب پروسیکیوٹر نے عدالت کو بتایا کہ بشریٰ بی بی کو گرفتارکرنے کے حوالے سے ابھی کوئی آرڈر نہیں ہیں۔ عدالت نے بشریٰ بی بی کے وکیل خواجہ حارث سے استفسار کیا کہ یہ کیس انکوائری ہے یا انویسٹی گیشن ہے؟۔ جس پر خٰواجہ حارث نے بتایا کہ یہ اب انویسٹی گیشن میں تبدیل ہو گیا ہے۔

عدالت نے بشریٰ بی بی کی درخواست ضمانت پر محفوظ فیصلہ سنادیا اور بشریٰ بی بی کے وارنٹ جاری نہ ہونے پر درخواست نمٹا دی گئی۔