ملک کے بالائی علاقوں میں ندی نالوں میں بہاؤ میں اضافے کا امکان ہے،این ڈی ایم اے

اسلام آباد: ملک کے بالائی علاقوں میں ندی نالوں میں بہاؤ میں اضافے اور پہاڑی وادیوں میں برفانی جھیلوں سے سیلابی صورتحال(گلوف) پیدا ہونے کا امکان ہے۔

این ڈی ایم اے کی مون سون اپڈیٹ کے مطابق ملک کے بیشتر علاقوں میں موسم گرم اور مرطوب رہے گا جبکہ خیبرپختونخوا کے بالائی علاقوں، پنجاب کے شمال مشرقی علاقوں، آزاد جموں و کشمیر اور اسلام آباد میں تیز ہوائوں اور گرج چمک کے ساتھ بارش کا امکان ہے۔ گلگت بلتستان کے دریائوں اور ندی نالوں میں بہاؤ میں اضافے اور پہاڑی وادیوں میں گلوف واقعہ کا امکان ہے۔

این ڈی ایم اے کی ایڈوائزری میں کہا گیا ہے کہ ممکنہ خطرات کے تدارک کیلئے عوام کی پیشگی اطلاع و حفاظتی تدابیر کی تشہیراور حساس علاقوں کیجانب ٹریفک کی منظم نگرانی کی جائے. ہنگامی صورتحال سے نمٹنے کیلئے مشینری تیار رکھیں۔ نشیبی علاقوں میں رہائش پذیر لوگ کہ نقل مکانی کیلئے انتظامات کیے جائیں