بشری بی بی اٹک جیل میں عمران خان سے ملاقات کے بعد روانہ

سابق وزیراعظم کی اہلیہ بشریٰ بی بی اٹک جیل میں اپنے خاوند سے پہلی ملاقات ختم کرکے واپس روانہ ہوگئی ہیں۔ اس موقع پر جیل اور اس کے اطراف میں سیکیورٹی کے سخت انتظامات کیے گئے تھے اور میڈیا کو بھی کوریج کی اجازت نہیں دی گئی تھی۔ تاہم عمران خان  کے وکلاء کی آج بھی ان سے ملاقات نہیں ہوسکی ہے

پاکستان تحریک انصاف کے وکیل نعیم حیدر پنجوتھا نے کہا ہے کہ بشری بی بی کی عمران خان سے آدھا گھنٹہ ملاقات ہوئی ہے اور انہوں نے بتایا ہے کہ وہ  بالکل خیریت سے ہیں لیکن انہیں سی کلاس میں ہی  رکھا ہوا ہے.

بشری بی بی کی آدھا گھنٹہ ملاقات ہوئی، بشری بی بی صاحبہ نے بتایا ہے کہ خان صاحب بلکل خیریت سے ہیں لیکن C کلاس میں ہی خان صاحب کو رکھا ہوا ہے.لیگل ٹیم کو ہائی کورٹ کے حکم کے باوجود ملنے نہیں دیا گیا.اس معاملہ کو کل ہم ہائی کورٹ میں اٹھائیں گے. pic.twitter.com/O5xc8bfEAv

— Naeem Haider Panjutha (@NaeemPanjuthaa) August 10, 2023

نعیم حیدر پنجوتھا کہ اپنے ٹویٹ میں کہنا تھا کہ لیگل ٹیم کو ہائی کورٹ کے حکم کے باوجود جیل حکام نے ہمیں ان سے ملنے نہیں دیا، ہم نے عمران خان سے پاور آف انٹرنی پر دستخط لینے ہیں اور ان سے کیسز سے متعلق ہدایات بھی لینی ہے جو ہمارا قانونی حق ہے لیکن ہمیں کہا گیا کہ صرف بشریٰ بی بی کو اجازت ہو گی ،وکلاء نہیں مل سکتے۔

ہماری طرف سے کوئی مذمت نہیں کی گئی اور ہم واپس آ گئے ہیں، اس معاملہ کو کل ہم ہائی کورٹ میں اٹھائیں گے.