ایشیا کپ کرکٹ ٹورنامنٹ کی ٹکٹوں کی فروخت کل سے شروع ہوگی،پی سی بی

اے سی سی ایشیا کپ کرکٹ ٹورنامنٹ کے پاکستان مرحلے کے میچوں کے ٹکٹوں کی فروخت کل ہفتہ سے شروع ہوگی، ٹکٹ pcb.bookme.pkپر دستیاب ہوں گی۔ پاکستان کرکٹ بورڈ  کے مطابق ان ٹکٹوں کی قیمتیں مناسب رکھی گئی ہیں کیونکہ پاکستان پندرہ سال کے عرصے کے بعد ایشیا کپ کی میزبانی کررہا ہے تاکہ شائقین آسانی سے پاکستانی اور ایشین اسٹارز کو قریب سے دیکھ سکیں۔

?️ Mark your calendars! Tickets sale for #AsiaCup2023 will go live from Saturday ?

More details ➡️ https://t.co/3fX4ARYiVM pic.twitter.com/n1sZE2SoDe

— Pakistan Cricket (@TheRealPCB) August 11, 2023

پہلے مرحلے میں ملتان کرکٹ اسٹیڈیم اور قذافی اسٹیڈیم لاہور کے وی آئی پی اور پریمئم انکلوژرز کے ٹکٹوں کی قیمتیں سامنے لائی جائیں گی۔76ویں یوم آزادی کے موقع پر فرسٹ کلاس اور جنرل انکلوژرز کی ٹکٹوں کی قیمتوں کا اعلان اور ایشیا کپ کے سری لنکا مرحلے کے ٹکٹوں کی تفصیلات بعد میں جاری کی جائیں گی۔ تمام اعلانات پاکستان کرکٹ بورڈ کے آفیشل سوشل میڈیا چینلز کے ذریعے ہوں گے