اہم پارٹی رہنما کی نگراں وزیراعظم سے متعلق بیان بازی ، پیپلزپارٹی شدیدبرہم

پیپلزپا رٹی کے رہنما خورشید شاہ نے نگراں وزیر اعظم کی تقرری کے بارے میں بیان جاری کیا جس پر پیپلز پارٹی کی اعلی قیادت نے شدید برہمی کا اظہار کیا۔

میڈیا ذرائع کے مطابق پیپلز پارٹی کی اعلی قیادت نے خورشید شاہ سے اس بیان کے بارے میں جواب طلب کیا ہے۔

ذرائع کے مطابق خورشید شاہ نے بیان پارٹی سے مشاورت کے بعد نہیں بلکہ پارٹی کی اجازت کے بغیر دیا ہے،بیانات سے تاثر جا رہا تھا کہ پیپلز پارٹی کو نگراں وزیراعظم کی تقرری پر اعتراض ہے۔

جس پر پیپلزپارٹی نے اپنے تمام رہنماؤں کو نگراں وزیرا عظم کی تقرری کے بارے میں بیان بازی سے روک دیا ہے اور کہا ہے کہ نگراں وزیراعظم کا معاملہ حساس ہے اس پر کسی کو بھی بات کرنے کی اجازت نہ ہے۔

نگران وزیراعظم کا تقرر پیپلز پارٹی نے رہنماؤں کو بیان بازی سے روک دیا#GNN #GNN_Updates #Newsupdates #Breakingnews pic.twitter.com/9A96jwucCo

— GNN (@gnnhdofficial) August 13, 2023