یواےای قونصل جنرل کا پاکستان سے محبت کا خوبصورت انداز

یو سے سی قونصل جنرل کا پاکستان کے یوم آزادی پر پاکستان سے محبت کا انوکھا انداز یو اے ای قونصلیٹ میں پاکستانی ثقافت کے تمام رنگ بکھیر دیے گئے۔

یو اے ای قونصل جنرل بخیت عتیق الرومیتی نےپاکستانی  مہمان بچوں کا پر تپاک  استقبال کیا  پاکستانی حکومت، افواج پاکستان اور عوام کو جشن آزادی کی دلی مبارکباد بھی پیش کی۔

اپنے خطاب میں قونصل جنرل بخیت عتیق الرومیتی نے کہا کہ خصوصی بچے توجہ کے مستحق ہیں یہ بڑے اعزاز کی بات ہے کہ یہ اسپیشل بچے کھیلوں میں جیت کر آئے ہیں، میری کوشش ہوگی کہ ان بچوں کو آئندہ بھی تقاریب میں مدعو کریں۔

انہوں نے کہا کہ پاکستان اور یو اے ای کے بہت دیرینہ تعلقات ہیں، یو اے ای میں 17 لاکھ پاکستانی برسر روز گار مقیم ہیں،یواے ای پاکستان کے ساتھ ہر موقع پر کھڑا رہےگا۔

تقریب سے خطاب کرتے ہوئے خصوصی بچوں کی اولمپکس کے حوالے سے سرگرم خاتون رونق علی لاکھانی نے کہا کہ ان بچوں کو جشن آزادی کی خوشیوں میں شریک کرنے کا عمل لائق تحسین ہے، یو اے ای پہلا ملک ہے جس نے ان بچوں کو تقریب میں دعوت دی۔

انہوں نے کہا کہ اس عمل کے ذریعے ان بچوں کے چہرے خوشی سے کھل گئے اور ان کی حوصلہ افزائی ہوئی۔

کراچی:یواےای قونصل جنرل کا پاکستان سے محبت کا خوبصورت انداز#GNN #GNN_Updates #Newsupdates #Breakingnews pic.twitter.com/cwzMsyJPpi

— GNN (@gnnhdofficial) August 13, 2023