کشمیریوں کی جانب سےپاکستانی قوم کو مبارکباد ،پاکستانیوں کے حق میں پوسٹرز بھی چسپاں کیے گئے

کشمیر میڈیا سروس (کے ایم ایس) کے مطابق پاکستانیوں کو  یوم آزادی کی مبارکباد دینے  کےلیے مقبوضہ کشمیر وادی میں مختلف مقامات پر  پوسٹرز چسپاں کیےگئےہیں۔

 پوسٹرز  پر پاکستانی عوام کو 76ویں یوم آزادی کی مبارکباد دی گئی ہے،پاکستانیوں کے ساتھ محبت اور  اظہار یکجہتی کا ایک منفرد انداز ہے جو مقبوضہ کشمیر کے شہریوں کی طرف سے کیا جا رہا ہے جس کو پاکستانیوں کی طرف سے کافی سراہا جا رہا ہے۔

پوسٹرز پر لکھا گیا تھا  کہ کشمیری بھی اپنے آپ کو پاکستان کا حصہ سمجھتےاور مانتے  ہیں،کشمیری بھارت کے غیر قانونی قبضے سے آزادی اور پاکستان سےالحاق کی جدوجہد کررہے ہیں اور کرتے رہیں گے۔