پنجاب حکومت کا 8 مئی سے صوبے میں مکمل لاک ڈاؤن کا فیصلہ

تفصیلا ت کے مطابق  وزیر صحت پنجاب  ڈاکٹر یاسمین راشد کی زیر صدارت سول سیکرٹریٹ میں اجلاس میں چیف سیکرٹری پنجاب،اعلیٰ سول و عسکری حکام نے  شرکت کی۔

پنجاب حکومت نے 8 مئی سے صوبے میں مکمل لاک ڈاؤن کا فیصلہ کرلیا، لوگوں کی نقل وحمل محدود کرنے کیلئے ہر قسم کی پبلک ٹرانسپورٹ، سیاحتی مقا مات بند رہیں گے۔شہروں کےداخلی اور خارجی راستوں پر  چیک پوائنٹس قائم کئے جائیں گے۔ چیک پوائنٹس پر پولیس، رینجرز اور فوج تعینات کی جائے گی۔

ڈاکٹر ساسمین راشد کا کہنا ہے کہ  کورونا وباء پر قابو پانے کیلئے اگلے 15 سے 20 دن نہایت اہم ہیں۔  شہری کورونا پر قابو پانے کیلئے حکومتی کوششوں کا ساتھ دیں ، عوام عید سادگی سے منائیں،  احتیاطی تدابیر پر عمل کر کے ذمہ دار شہری ہونے کا ثبوت دیں۔

چیف سیکرٹری  پنجاب  عید کے موقع پر زیادہ چھٹیاں  دینے کا مقصد لوگوں کی نقل وحمل کو محدود کرنا ہے، احتیاطی تدابیر کی اہمیت سے متعلق شعور و آگاہی کو بڑھایا جائے،شہری عید کی چھٹیوں کے دوران غیر ضروری سفر سے گریز کریں۔چیف سیکرٹری پنجاب نے ہدایت کی ہے کہ چھٹیوں کےدوران پارکس، سیاحتی مقامات کو مکمل بند رکھا جائے۔

کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید119افراد چل بسے ۔ ملک میں  اموات کی مجموعی تعداد 18 ہزار429ہوگئی ہے،جبکہ  متاثرہ افراد کی مجموعی تعداد 8 لاکھ 41ہزار 636ہو گئی ہے ۔

پنجاب

پنجاب میں کورونا مریضوں کی تعداد 3لاکھ10ہزار 616ہوگئی ۔ جبکہ صوبے میں اب تک 8ہزار 741افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 87ہزار 643ہو گئی جبکہ صوبے میں اب تک 4 ہزار 686 افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 21ہزار099ہوچکی ہے ۔ صوبے میں 3466افراد چل بسے۔

بلوچستان

بلوچستان میں کورونا وائرس کے اب تک 22ہزار776کیسز رپورٹ ہوئے ہیں جبکہ صوبے میں 239مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد76 ہزار696جبکہ اموات کی تعداد698تک جاپہنچی ۔

گلگت بلتستان

گلگت بلتستان میں اب تک 5 ہزار 341افراد کورونا کا شکار ہوئے ہیں جبکہ 107افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد 17 ہزار465ہوچکی ہے جبکہ 491افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  5665افرادکوروناوائرس کوشکست دےچکے ہیں۔ ملک بھر میں اب تک 7لاکھ 38ہزار727مریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔