سپورٹس پریزینٹر زینب عباس نے جھوٹے مقدمے کے بعد بھارت چھوڑ دیا

آئی سی سی مینز ورلڈ کپ کی مہمان نوازی میں بھی انڈیا بری طرح فیل ہوگیا۔ پاکستانی سپورٹس پریزینٹر زینب عباس بھارت میں جھوٹے مقدمے کے بعد ورلڈ کپ چھوڑ کر دبئی چلی گئی ہیں۔ آئی سی سی بھی بھارتی پروپیگنڈے کے آگے بے بس دکھائی دے رہا ہے۔

خیال رہے کہ زینب عباس کے خلاف بھارت میں ایک وکیل نے جھوٹا کیس کررکھا تھا، بھارتی وکیل نے ساٸبر کراٸم میں زینب عباس کے خلاف شکایت درج کروا رکھی تھی۔

بھارتی وکیل کا دعویٰ ہے کہ زینب عباس نے ہندو مذہب اور بھارت کے خلاف ٹویٹ کیے، زینب عباس نے 8 سال قبل بھارت اور بھارتی مذہب کے خلاف ٹویٹس کئے تھے۔ زینب عباس متعدد انٹرنیشنل سیریز اور ایونٹس میں بطور پریزینٹر کام کرتی ہیں۔