نگراں وزیراعظم کی حجاج کرام کو بہترین سہولیات فراہم کرنے کی ہدایت

اسلام آباد: نگراں وزیراعظم انوار الحق کاکڑ نے پیر کے روز حجاج کرام کو کم قیمت پر بہترین سہولیات کی فراہمی کو یقینی بنانے کی ہدایت کی۔ آج اسلام آباد میں وزارت مذہبی امور اور بین المذاہب ہم آہنگی کی کارکردگی کے بارے میں بریفنگ کی صدارت کرتے ہوئے انہوں نے کہا کہ حج جیسے مذہبی فریضے کو آسان اور کفایتی بنانے کے لیے بڑے پیمانے پر اقدامات کیے جائیں۔ 

نگران  وزیراعظم انوارلحق کا کڑ  نے کہا کہ پرائیویٹ حج ٹور آپریٹرز کی کڑی نگرانی کو یقینی بنایا جائے تاکہ پرائیویٹ سکیم کے تحت حج کرنے والے عازمین کو کسی قسم کی مشکلات کا سامنا نہ کرنا پڑے۔

انہوں نے وزارت کو ہدایت کی کہ حج پالیسی 20224 کو جلد از جلد وفاقی کابینہ سے حتمی منظوری کے لیے پیش کیا جائے۔ وزیراعظم کو حج پالیسی 2024 کی تیاری پر پیشرفت اور اس سلسلے میں اٹھائے گئے اقدامات سے آگاہ کیا گیا۔