حماس کے حملوں میں 1000 سے زائد اسرائیلی ہلاک ہوئے

اسرائیلی اخبار Yedioth Ahronoth کی رپورٹ میں کہا گیا ہے کہ حماس کے حملوں میں 1000 سے اوپر اسرائیلی ہلاک ہوئے تاہم اسرائیلی وزارت صحت نے 700 افراد کی ہلاکت کی تصدیق کی ہے۔

اسرائیلی اخبارنے  اپنی ایک رپورٹ میں کہا ہے کہ 150 سے زائد اسرائیلیوں کے حماس کی قید میں جانے کی بھی اطلاعات موصول ہورہیں ہیں ۔ جبکہ حماس اور اسلامک جہاد کی جانب سے 130 اسرائیلیوں کے حراست میں ہونے کی تصدیق کی گئی ہے اور اسرائیل کے 8 شہروں میں اب بھی اسرائیلی فوجیوں اور حماس کے درمیان لڑائی جاری ہے۔

یاد رہے کہ اسرائیل نے کہا ہے کہ  اس کے تقریبا ً 700 افراد ہلاک ہو چکے ہیں، جبکہ فلسطینی حکام کے مطابق غزہ پر ہونے والی بمباری میں کم سے کم 413 افراد ہلاک ہوئے ہیں، جس میں درجنوں بچے بھی شامل ہیں۔ اس تنازعے میں اب تک ہزاروں افراد زخمی بھی ہو چکے ہیں۔