اسٹاک ایکچینج 100انڈیکس میں 228 پوائنٹس کا اضافہ ہوگیا

پاکستان اسٹاک ایکسچینج میں گزشتہ کاروباری ہفتے سے جاری مثبت رجحان نئےکاروباری ہفتے کے پہلے روز برقرار رہا۔

کاروباری دن میں 100 انڈیکس 558 پوائنٹس کے بینڈ میں رہا تاہم کاروبار کے اختتام پر 100 انڈیکس 228 پوائنٹس اضافے سے 47721 پوائنٹس پر بند ہوا۔ حصص بازار میں 23 کروڑ 36 لاکھ شیئرز کے سودے 7 ارب 7 کروڑ روپے میں طے ہوئے۔

مارکیٹ کیپٹلائزیشن 15 ارب روپے بڑھ کر 7036 ارب روپے ہے۔