اسرائیل کے دوسرے بڑے شہر پر راکٹوں کی بارش

اسرائیل  میں مرکزی شہر تل ابیب پر راکٹوں کا حملہ کر دیا گیا ۔  اسرائیلی میڈیا کے مطابق بڑی تعداد میں راکٹ تل ابیب شہر پر گرے۔

اسرائیلی میڈیا نے بتایا ہے کہ غزہ  پر اسرائیل  کے حملوں  کی بارش کے جواب میں حماس نے تل ابیب کے علاقے کو نشانہ بنایا ۔
ٹائمز آف اسرائیل  نے ایک رپورٹ میں بتایا کہ ملک کے مرکز پر حملے میں کوئی جانی نقصان نہیں ہوا۔

یاد رہے کہ اسرائیل نے اپنے ریزرو فوجی بھی غزہ کی بیرونی پٹی پر لگا کر غزہ کا محاصرہ کیا ہوا ہے جس کے باعث غزہ میں ایمرجنسی کی صورت حال ہے ۔

غزہ میں اسپتالوں میں میڈیکل سامان ختم ہو چکا ہے اور اسرائیل خوراک ، پانی ، بجلی کی ترسیل کو بحال نہیں کر رہا ۔

یاد رہے کہ گزشتہ چار دن کے دوران حماس کے حملوں میں ہلاک ہونے والے اسرائیلیوں کی تعداد 11 سو سے تجاوز کرگئی ہے جبکہ غزہ اور لبنان کے بعد شام سے بھی اسرائیل پر میزائل حملوں کا آغاز ہو گیا ہے۔