بنگلہ دیش کے دورے کے لیے پاکستان ویمنز کرکٹ ٹیم کااعلان

پاکستان کرکٹ بورڈ(پی سی بی) کی قومی ویمنز سلیکشن کمیٹی نے ندا ڈار کی قیادت میں پاکستان کی خواتین کرکٹ ٹیم کا اعلان کردیا گیا ہے جو اس ماہ بنگلہ دیش کا دورہ کرے گی۔ پندرہ رکنی ٹیم کا اعلان قومی ویمنز سلیکشن کمیٹی کے سربراہ سلیم جعفر نے کیا۔

? Pakistan women's squad announced for Bangladesh tour ?

The team will depart for Bangladesh on 20 October ?

Read more ➡️ https://t.co/zBXqDT3czp#BANWvPAKW | #BackOurGirls pic.twitter.com/XDhZKCZ8y5

— Pakistan Cricket (@TheRealPCB) October 12, 2023

 پاکستانی ٹیم 20 اکتوبر کو بنگلہ دیش روانہ ہوگی جس میں وہ محدود اوورز کے 6 میچ کھیلے گی جن میں آئی سی سی چیمپئن شپ کے 3 ون ڈے انٹرنیشنل بھی شامل ہیں۔ ان میچوں کے شیڈول کا اعلان بنگلہ دیش کرکٹ بورڈ بعد میں کرے گا۔ ٹیم میں تجربہ کار ارم جاوید کی ایک سال بعد واپسی ہوئی ہے۔ وہ آخری مرتبہ گزشتہ سال برمنگھم کے کامن ویلتھ گیمز میں کھیلی تھیں اس کے علاوہ انہوں نے رواں سال راولپنڈی میں خواتین کے نمائشی میچوں میں سپر ویمن کی نمائندگی کی تھی۔ شوال ذوالفقار اور سیدہ عروب شاہ کو ڈراپ کردیا گیا ہے البتہ وہ مرید کے میں ہونے والے ایمرجنگ کیمپ کی اٹھائیس کھلاڑیوں میں شامل ہیں۔

پاکستانی ویمنز ٹیم 14 اکتوبر سے غنی انسٹی ٹیوٹ لاہور میں چھ روزہ کیمپ میں حصہ لے گی اور پھر 20 اکتوبر کو براستہ دبئی بنگلہ دیش روانہ ہوگی ۔پاکستان ویمنز ٹیم ندا ڈار ( کپتان )، عالیہ ریاض، بسمہ معروف، ڈیانا بیگ، غلام فاطمہ، ارم جاوید، منیبہ علی ( وکٹ کیپر )، نجیہہ علوی ( وکٹ کیپر )، نشرہ سندھو، نتالیہ پرویز، صدف شمس، سعدیہ اقبال، سدرہ امین، ام ہانی اور وحیدہ اختر پر مشتمل ہے ۔