پاکستان کا فلسطین میں اسرائیل کے مسلسل ظلم اور خوراک کی بندش پر تشویش کا اظہار

پاکستان نے فلسطین میں اسرائیل کے مسلسل قبضے، مظالم اور تشدد پر گہری تشویش ظاہر کی ہے۔

 اقوام متحدہ میں پاکستان کے مستقل مشن کی سیکنڈ سیکرٹری رابعہ اعجاز نے نیو یارک میں اقوام متحدہ کی جنرل اسمبلی کی چھٹی کمیٹی کے اجلاس میں اظہارخیال کرتے ہوئے کہا کہ غزہ پر اسرائیل کی اندھا دھند بمباری اور غزہ کی پوری فلسطینی آبادی کو اجتماعی سزا دینے کے لئے خوراک، ایندھن اور ادویات کی غیر انسانی ناکہ بندی کی وجہ سے غزہ میں تیزی سے بگڑتی ہوئی اور شدید انسانی صورتحال ناقابل قبول ہے۔

انہوں نے کہا کہ یہ اقدامات جنگی جرائم اور انسانیت کےخلاف جرائم کے مترادف ہیں۔