انتخابات جنوری میں ہی ہوں گے ،مرتضی سولنگی

الیکشن کمیشن کا حوالہ دیتے ہوئے وفاقی وزیر نے کہاکہ حلقوں کی پہلی فہرست کو اگلے ماہ کی تیس تاریخ کو حتمی شکل دی جائے گی اور انتخابات کی تاریخ کا اعلان اسی دوران کیاجائے گا ۔

انہوں نے کہاکہ الیکشن ایکٹ 2017ء میں یہ واضح طورپرکہاگیا ہے کہ تمام جماعتوں کو کم ازکم چون دن دئیے جائیں گے جو انتخابی مہم کیلئے تقریباً دو ماہ بنتے ہیں اس لیے یہ امید ہے کہ انتخابات جنوری کے آخرمیں ہوںگے۔

مرتضی سولنگی نے کہاکہ انتخابی شیڈول جاری ہونے کے بعد ہی اصل انتخابی سرگرمیاں شروع ہوںگی۔

ایک اور سوال کے جواب میں انہوں نے کہاکہ پالیسیاں بنانے کا اختیار منتخب حکومت کو حاصل ہے اور یہ آئین پاکستان میں درج ہے کہ حکومت منتخب نمائندوں کے ذریعے چلائی جائے گی۔