مسلم لیگ (ن) کو مینارِ پاکستان پر جلسے کی اجازت مل گئی

پاکستان مسلم لیگ (ن) کو مینارِ پاکستان پر جلسے کی اجازت مل گئی ہے، ضلعی انتظامیہ لاہور نے 21 اکتوبر کے جلسے کیلئے این او سی جاری کر دیا ہے۔

این او سی میں کہا گیا ہے کہ جلسے میں افواج، عدلیہ اور آئینی عہدے دار کے خلاف تقریر کی اجازت نہیں ہو گی۔

اجازت نامے کے مطابق سڑکوں پر ریلیوں کی بھی اجازت نہیں ہو گی،اس کے علاوہ آتش بازی کو جلوس پر بھی پابندی ہو گی، ساتھ ہی پارک میں نقصان کی ذمہ داری جلسے کی انتظامیہ پر عائد ہوگی۔

ضلعی انتظامیہ کا کہنا ہے کہ منتظمین اسٹیج اور مرد و خواتین پنڈال کی سکیورٹی کے ذمہ دار ہوں گے، ن لیگ پی ایچ اے کو اخراجات ادا کرے گی۔

ضلعی انتظامیہ کی جانب سے ہدایت جاری کی گئی ہے کہ جلسے کی انتظامیہ متعلقہ ایس پی اور ایس پی ٹریفک سے سکیورٹی انتظامات کیلئے فوکل پرسن مقرر کرے۔