ورلڈ کپ 2023، افغانستان کا انگلینڈ کو جیت کیلئے 285 رنز کا ہدف

ورلڈ کپ 2023، افغانستان نے انگلینڈ کو جیت کیلئے 285 رنز کا ہدف دیدیا۔

دہلی کے ارون جیٹلی کرکٹ اسٹیڈیم میں کھیلے جارہے میچ میں افغانستان نے پہلے بیٹنگ کرتے ہوئے مقررہ 49.5 اوورز میں 284 رنز بناکر آل آؤٹ ہوگئی، افغان اوپنرز نے ٹیم کو شاندار آغاز فراہم کرتے ہوئے 114 رنز کا اوپننگ اسٹینڈ دیا، تاہم ابراہیم زادران 28 رنز بناکر پویلین لوٹ گئے۔

محض 8 رنز کے اضافے سے افغان بیٹرز نے 2 وکٹیں مزید گنوائیں، رحمت شاہ 3 رنز کے مہمان ثابت ہوئے۔ کپتان حشمت اللہ شاہدی محض 14، عظمت اللہ عمرزئی 19، محمد نبی 9، راشد خان 23، مجیب الرحمان 28 رنز بناسکے۔

INNINGS CHANGE ?

After being put into bat first, #AfghanAtalan have managed to put 284/10 in the first inning, with major contributions coming from @RGurbaz_21 (80), @IkramAlikhil15 (58) and @Mujeeb_R88 (28). ?

Time for our bowlers to do the job for us...!#CWC23 | #AFGvENG pic.twitter.com/UFVbpag9l0

— Afghanistan Cricket Board (@ACBofficials) October 15, 2023

افغان اوپنر رحمان اللہ گرباز نے جارحانہ کھیل کا مظاہرہ کیا اور انگلش بالرز کو آڑے ہاتھوں لیتے ہوئے 58 گیندوں 8 چوکوں اور 4 چھکوں کی مدد سے 80 جبکہ اکرام علی خیل نے 3 چوکوں اور 2 چھکوں کی مدد سے 58 رنز کی اننگز کھیلی۔

انگلیںڈ کی جانب سے عادل رشید نے 3، مارک ووڈ نے 2 جبکہ لیام لیونگسٹون، ریس ٹوپلی اور جو روٹ نے ایک ایک وکٹ حاصل کی۔