اسرائیلی فوج نے لبنان کی سرحد کے ساتھ چار کلومیٹر تک کا علاقہ بند کر دیا

اسرائیلی فوج نے لبنان کی سرحد کے ساتھ چار کلومیٹر تک کا علاقہ بند کر تے ہوئے شہریوں کے داخلے پر پابندی لگا دی۔

غیر ملکی میڈیا کے مطابق اسرائیلی فوج کے ایک بیان کے مطابق "علاقے میں داخلے پر مکمل پابندی ہے جبکہ نواحی علاقے کے رہائشی محتاط رہیں۔

اس کے علاوہ لبنان کی سرحد کے ساتھ آباد اسرائیلی شہریوں کو ہدایت کی گئی ہے کہ تا اطلاع ثانی بم شیلٹرز کے قریب رہیں۔

اسرائیلی فوج نے یہ بھی اعلان کیا کہ علاقے میں جی پی ایس سروسز بھی معطل کر دی گئی ہیں