کسٹمز حکام کی جناح انٹرنیشنل ایئرپورٹ پر بڑی کارروائی، آئی فونز سمگلنگ کی کوشش ناکام

کسٹمز حکام کی جناح انٹرنیشنل ایئرپورٹ پر بڑی کارروائی،ملزم فیصل سلیم کی 39آئی فونز سمگلنگ کی کوشش ناکام بنادی ۔

ملزم فیصل سلیم دبئی سے 39آئی فونز سمگلنگ کرکے لایاتھا ۔ آئی فونز کی مالیت تین کروڑ ستر لاکھ روپے ہے ۔ایئرپورٹ پر موجود کسٹم کی ٹیم نے تلاشی کے بعد 39 آئی فونز پکڑے۔

ملزم معذوری کا دھوکہ دیتےہوئے وہیل چئیر پر بیٹھ کر گرین چینل کا استعمال کرتے ہوئے لاؤنج سے باہرآیا۔ جناح ائرپورٹ سےآئی فونز اسمگلنگ میں ملوث ملزم کو گرفتار کرلیا گیا۔

کسمٹز حکام کاکہنا ہے کہ  ملزم کے خلاف کسٹم ایکٹ کے تحت مقدمہ درج کرلیا گیا۔ ملزم سے مزید تفتیش کی جارہی ہے