سائفر کیس میں چیئرمین پی ٹی آئی کو اسلام آباد ہائیکورٹ سے ریلیف نہ ملا

اسلام آباد ہائیکورٹ نے سائفر گمشدگی کیس میں جیل ٹرائل کیخلاف عمران خان کی درخواست نمٹاتے ہوئے کہا ہے کہ جیل ٹرائل سیکیورٹی کے پیش نظرچیئرمین پی ٹی آئی کے حق میں ہے ، بظاہرمعاملے پر کوئی بد نیتی نظرنہیں آتی۔ 

عدالتی فیصلے کے سامنے آنے والے نکات کے مطابق سائفر کیس کی جیل سماعت کیخلاف چیئرمین پی ٹی آئی کو ریلیف نا مل سکا ، عدالت نے ان کی درخواست ہدایات کے ساتھ نمٹا دی۔

فیصلے میں کہا گیا ہے کہ سائفر کیس میں جیل ٹرائل سیکیورٹی کے پیش نظرچیئرمین پی ٹی آئی کے حق میں ہے ،بظاہر جیل ٹرائل کے معاملے پر کوئی بد نیتی نظر نہیں آتی۔چیئرمین پی ٹی آئی خود اپنی سکیورٹی کے حوالے متعدد بار خدشات کا اظہار کر چکے ہیں۔ عدالت نے مزید کہا کہ چیئرمین پی ٹی آئی کو جیل ٹرائل پر تحفظات ہوں تو ٹرائل کورٹ سے رجوع کر سکتے ہیں

واضح رہے کہ عمران خان نے کیس کی سماعت جیل کی بجائے عدالت میں سماعت کی استدعا کررکھی تھی جس پر چیف جسٹس اسلام آباد ہائیکورٹ نے 12 ستمبر کو فیصلہ محفوظ کیا تھا۔ دوسری جانب سیکرٹ ایکٹ کے تحت قائم خصوصی عدالت نے بھی عمران خان پر فرد جرم کے لیے 17 اکتوبر کی تاریخ دے رکھی ہے۔