فرخ حبیب نے پی ٹی آئی کو خیر باد کہہ کر 9 مئی کا ملبہ عمران خان پر ڈال دیا

لاہور: سابق وزیراعظم عمران خان کے قریبی سمجھے جانے والے پاکستان تحریک انصاف کے متحرک رہنما فرخ حبیب نے بھی پی ٹی آئی سے راہیں جدا کرلیں اور انہوں نے استحکام پاکستان پارٹی (آئی پی پی) میں شمولیت کا اعلان کردیا۔

فرخ حبیب استحکام پاکستان پارٹی کے مرکزی دفتر لاہور پہنچے جہاں انہوں نے عون چوہدری کی موجودگی میں پی ٹی آئی سے علیحدگی کا اعلان کیا۔

استحکام پاکستان پارٹی کے رہنماؤں کے ہمراہ پریس کانفرنس کرتے ہوئے فرخ حبیب نے استحکام پاکستان پارٹی میں شمولیت کا اعلان کیا اور سانحہ 9 مئی کو افسوسناک قرار دیتے ہوئے واقعے کی مذمت کی۔

انہوں نے کہا کہ میڈیا نمائندگان کے ساتھ پرانا تعلق ہے، 9 مئی کے واقعات کے بعد ہم لوگ اپنے گھروں سے دور تھے اور قانون کا سامنا نہیں کر رہے تھے۔

فرخ حبیب نے کہا کہ کہ عمران خان نے عدم اعتماد کے بعد ہمیں اور پارٹی کارکنوں کو چین سے بیٹھنے نہیں دیا، چیئرمین پی ٹی آئی نے نوجوانوں کو پرامن مزاحمت کے بجائے پُر تشدد مزاحمت کی راہ پر ڈال دیا گیا حالانکہ تحریک عدم اعتماد کے بعد جمہوری طریقے سے جدوجہد کرنی چاہیئے تھی۔