نگران وزیر اعظم کا وفاقی اور صوبائی سطح پر پرائس کنٹرول کے سخت طریقہ کار کو فعال کرنے کی ہدایت

نگراں وزیراعظم انوارالحق کاکڑ نےپٹرولیم مصنوعات میں کمی کے بعد وفاقی اور صوبائی سطح پر متعلقہ حکام کو پرائس کنٹرول کے سخت طریقہ کار کو فعال کرنے کی ہدایت کی ہے۔

سماجی رابطے کی ویب سائٹ ایکس (ٹوئٹر) پر اپنے ٹویٹ میں انواز الحق کاکڑ نے کہا ہے کہ پیٹرول کی قیمت کم ہوچکی سرکاری ادارے اب مہنگائی کم کرائیں۔

Consequent to substantial reduction in fuel prices, I have directed the concerned authorities at Federal and Provincial level to activate a strict price control mechanism. I urge all honorable Chief Ministers to ensure that prices of essential commodities and services are reduced…

— Anwaar ul Haq Kakar (@anwaar_kakar) October 16, 2023

نگراں وزیراعظم نے کہا کہ تمام وزرائے اعلیٰ سے گزارش کرتا ہوں کہ وہ اس بات کو یقینی بنائیں کہ ضروری اشیاء کی قیمتیں اسی طرح کم کی جائیں، پیٹرولیم مصنوعات کی قیمتوں میں کمی کا براہ راست فائدہ پاکستانی عوام تک پہنچانے کے لیے تمام کوشیشں کی جائیں۔

انہوں نے مزید کہا کہ ایندھن کی قیمتوں میں خاطر خواہ کمی کے نتیجے میں، میں نے وفاقی اور صوبائی سطح پر متعلقہ حکام کو پرائس کنٹرول کے سخت طریقہ کار کو فعال کرنے کی ہدایت کی ہے۔

انہوں نے یہ بھی کہا کہ سرکاری ادارے اشیاء کی قیمتوں میں کمی لانے کے لیے ہدایات پر سختی سے عمل درآمد کو یقینی بنائیں۔