ڈیوڈ گوفن اور ہیوگو گیسٹن کا یورپین اوپن ٹینس مینز سنگلز کا فاتحانہ آغاز

برسلز: بیلجیئم کے ٹینس کھلاڑی ڈیوڈ گوفن اور فرانسیسی ٹینس کھلاڑی ہیوگو گیسٹن یورپین اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئے ۔

ڈیوڈ گوفن نے مینز سنگلز مقابلوں کے پہلے رائونڈ میں حریف فرانسیسی کھلاڑی کوئنٹن ہیلیس کو شکست دے کر جبکہ فرانسیسی ٹینس کھلاڑی ہیوگو گیسٹن نے پہلے رائونڈ میں ہم وطن حریف کھلاڑی آرتھر رنڈرکنچ کو ہرا کر نہ صرف ایونٹ کا فاتحانہ آغاز کیا بلکہ دوسرے رائونڈ کے لئے بھی کوالیفائی کرلیا۔

اے ٹی پی کے زیر اہتمام یورپین اوپن ٹینس ٹورنامنٹ کے دلچسپ مقابلوں کا سلسلہ بیلجیئم کے شہر اینٹورپ میں جاری ہے۔ مردوں کے سنگلز مقابلوں کے ابتدائی رائونڈ میں ڈیوڈ گوفن نے مینز سنگلز مقابلوں کے پہلے رائونڈ میں عمدہ کھیل پیش کرتے ہوئے حریف فرانسیسی کھلاڑی کوئنٹن ہیلیس کو سٹریٹ سیٹس میں 4-6 اور 1-6 سے شکست دے کر دوسرے رائونڈ کے لئے کوالیفائی کیا۔

ایک اور میچ میں فرانسیسی ٹینس کھلاڑی ہیوگو گیسٹن نے پہلے رائونڈ میں شاندار کارکردگی کا مظاہرہ کرتے ہوئے ہم وطن حریف کھلاڑی آرتھر رنڈرکنچ کو ٹائی بریک پر سٹریٹ سیٹس میں 6-7(7-9) اور 4-6 سے ہرا کر نہ صرف ٹورنامنٹ کا فاتحانہ آغاز کیا بلکہ دوسرے رائونڈ کے لئے بھی کوالیفائی کرلیا۔