عورتو ں کو روزگار کے قابل بنانے کیلئے جدید ٹیکنالوجی کا استعمال وقت کی اہم ترین ضرورت ہے ،مشعال ملک

انسانی حقوق اور خواتین کو بااختیار بنانے کیلئے نگران وزیراعظم کی معاون خصوصی مشعال حسین ملک نے کہا ہے کہ صنفی شمولیت کو فروغ دینے اور خواتین کو بااختیار بنانے کیلئے جدید ٹیکنالوجی کا استعمال اہمیت کا حامل ہے۔

انہوں نے ایک معروف آئی ٹی کمپنی کے وفد سے ملاقات میں خواتین کو بااختیار بنانے اور مختلف اقدامات اور پروگراموں کے ذریعے دنیا بھر میں پاکستان کے مثبت تشخص کو اجاگر کرنے کے حوالے سے نجی شعبے کی کوششوں کو سراہا۔

یاد رہے کہ آج عورتوں پر کیے جانے والے تشدد کا عالمی دن منایا جا رہا ہے ۔