خصوصی سرمایہ کاری سہولت کونسل کی ایپکس کمیٹی کا خصوصی اجلاس

خصوصی سرمایہ کاری سہولت کونسل کی ایپکس کمیٹی کاایک خصوصی اجلاس جمعہ کے روز اسلام آباد میں ہوا جس میں دوست ممالک کے ساتھ سٹریٹجک شراکت داری کو فروغ دینے پرغورکیاگیا۔

اجلاس کی صدارت نگران  وزیراعظم انوارلحق کاکڑ  نے کی اوراس میں بری فوج کے سربراہ ،وزراء اوراعلیٰ سرکاری حکام نے شرکت کی۔

کمیٹی میں دوست ممالک کے ساتھ متفقہ طورپرمنظورکئے گئے منصوبوں کی موجودہ صورتحال کا جائزہ لیاگیا اوران اقدامات کے تحت شروع کئے گئے مختلف منصوبوں پرعملدرآمد کو تیز کرنے کی ہدایت کی گئی۔

وزیراعظم نے اشتراک عمل کے لئے ممکنہ شعبوں کی نشاندہی کرنے کے لئے متعلقہ وزراء کی کوششوں کوسراہا اورتمام فریقوں کو طویل مدتی اقتصادی فوائد کویقینی بنانے کی ہدایت کی۔بری فوج کے سربراہ نے حکومت کی طرف سے اٹھائے گئے اقتصادی اقدامات کی غیرمتزلزل حمایت کے پاک فوج کے عزم کااظہارکیا۔