حج سکیم کی درخواستیں جمع کرانے میں 10 دن کی توسیع

وزارت مذہبی امور نے سرکاری اور سپانسر شپ حج سکیم کی درخواستیں جمع کرانے میں 10 دن کی توسیع کا فیصلہ کیا ہے۔

نگران وزیرمذہبی امور انیق احمد نے کہا کہ حج پیکج میں گزشتہ سال کے مقابلہ میں رواں سال ایک لاکھ روپے کمی کی گئی تھی تاہم ملک کے معاشی حالات کی وجہ سے 27 نومبر سے 12دسمبر تک کم درخواستیں موصول ہوئی ہیں

انیق احمد کا کہنا تھا کہ کم درخواستیں موصول ہونے کی وجہ سے وزارت مذہبی امور نے سپانسر شپ اور سرکاری حج سکیم کی درخواستوں کی وصولی میں 10 دن مزید بڑھائی ہیں۔