نگران وزیر اعظم کی سیکیورٹی فورسز پر دہشتگردانہ حملے کی شدید مذمت

نگران وزیراعظم انوارالحق کاکڑ نے ڈیرہ اسماعیل خان کے علاقے درابن میں سکیورٹی فورسز پر دہشت گرد حملے کی سخت مذمت کی ہے۔

اپنے  بیان میں انہوں نے کہا کہ ایسے بزدلانہ حملوں سے سکیورٹی فورسز کے حوصلے پست نہیں ہوسکتے ۔

انہوں نے کہا کہ پوری قوم دہشت گردی کے خلاف جنگ میں جانوں کا نذرانہ پیش کرنے والے شہدا کو سلام پیش کرتی ہے۔ غمزدہ خاندانوں سے ہمدردی کا اظہار کرتے ہوئے وزیراعظم نے شہدا کیلئے دعاکی۔وزیراعظم نے حملے میں زخمی ہونے والوں کو ہر ممکن طبی امداد فراہم کرنے کی ہدایت کی۔

انہوں نے کہا کہ دہشت گرد عناصر کے خلاف اسی طرح کاروائیاں جاری رہیں گیں کسی صورت بھی دہشتگردوں کو ان کے عزم میں کامیاب نہیں ہونے دیا جائے گا ۔