جسٹس مظاہر نقوی کا جوڈیشل کونسل کی کاروائی پر سپریم کورٹ کے ججزکو خط

اسلام آباد : سپریم جوڈیشل کونسل میں جسٹس مظاہر نقوی کے خلاف کا روائی کا معاملہ شدت اختیار کر گیا ۔

جسٹس مظاہر نقوی نے چیف جسٹس اور سپریم کورٹ کے ججز کو خط لکھ دیا ۔

انہوں نے کہا کہ چیف جسٹس اور جسٹس طارق مسعود نے سابق چیف جسٹس کو میرے خلاف کاروائی کرنے کیلئے خطوط لکھے ہیں ، انہوں نے کہا کہ پاکستان کی اشرافیہ اور سیاسی طاقتوروں کے ہاتھوں میں نہ کھیلنے پر اس انتقامی کاروائی سے گزر رہا ہوں ، اور اس کے نتائج بھگت رہا ہوں ۔

انہوں نے خط میں لکھا کہ میں جوڈیشل کونسل کی اس جعلی کاروائی کا آخری دم تک مقابلہ کروں گا ، انہوں نے کہا کہ ایسی کاروائیوں سے ڈرنے والا نہیں ہوں ۔