غزہ کی پٹی میں حملے بند ہونے تک قیدیوں کے تبادلے پر مذاکرات نہیں ہوں گے،حماس

حماس کے رہنما اسامہ حمدان نے غزہ کی پٹی، مغربی کنارے اور یروشلم میں فلسطینیوں کو بے گھر کرنے کے اسرائیلی تمام منصوبوں کو مسترد کرتے ہوئے اسرائیلی جنگی جرائم کی شدید مذمت کی۔اسرائیل کے ساتھ قیدیوں کے تبادلے کے حوالے سے اس وقت تک کوئی مذاکرات نہیں ہوں گے جب تک وہ غزہ کی پٹی پر اپنے حملے بند نہیں کر دیتا۔

اسامہ حمدان نے پریس کانفرنس میں کہا کہ اسرائیلی وزیر اعظم بنجمن نیتن یاہو غزہ کی سرزمین پر کوئی بھی ہدف جنہیں وہ حاصل کرنا چاہتے ہیں حاصل نہیں کرسکیں گے ۔ انہوں نے اس بات پر زور دیتے ہوئے کہا کہ اسرائیل غزہ کی پٹی میں کسی بھی زندہ قیدی کو زبردستی رہا نہیں کرا سکے گا۔

قبل ازیں حماس کے رہنما محمود مرداوی نے بھی عرب ورلڈ نیوز ایجنسی کو بتایا تھا کہ اسرائیل کے ساتھ قیدیوں کے تبادلے کے لیے جنگ بندی یا معاہدے کے لیے جنگ بندی سے قبل کوئی بات چیت نہیں ہو گی ۔