بانی چیئرمین تحریک انصاف کا چیف جسٹس عامر فاروق پر عدم اعتماد کا اظہار

پاکستان تحریک انصاف کے بانی چیئرمین عمران خان نے چیف جسٹس اسلام آباد ہائیکورٹ جسٹس عامر فاروق پر عدم اعتماد کا اظہار کر دیا۔

سابق چیئرمین تحریک انصاف کی جانب سے اسلام آباد ہائیکورٹ کے چیف جسٹس عامرفاروق پر عدم اعتماد کا اظہار کرتے ہوئے ان کی مقدمات سےعلیحدگی کیلئے درخواست دائر کی گئی ہے۔

درخواست میں استدعا کی گئی کہ چیف جسٹس عامرفاروق بانی پی ٹی آئی کے تمام کیسز سے خود کو علیحدہ کریں۔

درخواست میں موقف اختیار کیا گیا کہ چیف جسٹس عامر فاروق سے انصاف ملنے کی توقع نہیں رہی، ان پر عدم اعتماد بے وجہ نہیں بلکہ ایک مدت سے ہونے والے واقعات کا نتیجہ ہے۔

سابق چیئرمین پی ٹی آئی کی جانب سے موقف اختیار کیا گیا کہ واقعات کی طویل فہرست ہے جو چیف جسٹس عامر فاروق پرعدم اعتماد کی وجہ بنی۔