انتخابات کیلئے انتظامات مکمل کر لیے گئے ہیں ، الیکشن کمیشن

اسلام آباد : الیکشن کمیشن نے ہائیکورٹ کے فیصلے پرریٹرننگ افسروں کی معطلی روک دی ۔ 

الیکشن کمیشن نےانتخابی  عملے کی تربیت روک دی ہے ، چیف الیکشن کمشنر کی زیر صدارت اجلاس میں عدالتی فیصلے کا جائزہ لیا گیا ۔ 

اجلاس میں قانونی ٹیم نے فیصلے پر بریفنگ دی اور آئندہ کی حکمت عملی پر غور کیا گیا ، الیکشن کمیشن نے چیئر مین پی ٹی آئی کے الزامات کو مسترد کر دیا ، اجلاس میں شرکاء کو لاہو ر ہائیکورٹ کے فیصلے کی مکمل بریفنگ دی گئی ۔ 

ترجمان الیکشن کمیشن نے کہا کہ 8 فروری کو انتخابات کے انتظامات مکمل کر لیے گئے ہیں ، پی ٹی آئی محض الیکشن کمیشن پر الزامات لگا رہی ہے اور اس طرح کی تمام افواہیں ہیں انتخابات کی مکمل تیاری کر لی گئی ہے ۔ 

الیکشن کمشنر سلطان سکندر راجہ نے کہا کہ الیکشن شیڈول سے پہلے ڈی آر اوز کی تقرری نہایت ضروری عمل ہے ۔