سعودی وزیر خارجہ کی برطانیہ کے سیکرٹری خارجہ ڈیوڈ کیمرون سے ملاقات

سعودی وزیر خارجہ شہزادہ فیصل بن فرحان بن عبداللہ کی برطانیہ کے سیکرٹری خارجہ ڈیوڈ کیمرون کے ساتھ ملاقات کی، ملاقات میں دونوں ملکوں کے درمیان دو طرفہ تعلقات اور مختلف شعبوں میں انہیں مضبوط بنانے اور ترقی دینے کے طریقوں کا جائزہ لیا۔

دونوں رہنماؤں نے غزہ کی پٹی اور اس کے گردونواح میں ہونے والی پیشرفت پر تبادلہ خیال کیا اور جنگ بندی کے لیے تمام ضروری اقدامات اٹھانے کی اہمیت پر زور دیا اور ساتھ ہی غزہ کے شہریوں کے مکمل تحفظ کے حصول کے لیے پر تشدد کارروائیوں میں توسیع نہ کئے جانے کے موقف کا اعادہ کیا۔

سعودی وزیر خارجہ نے کہا کہ سلامتی کونسل کے مستقل رکن ممالک اس بات کو یقینی بنائیں کہ امدادی راہداریوں کو محفوظ بنایا جائے اور استحکام کی واپسی کے لیے حالات پیدا کئے جائیں اور غزہ کی پٹی میں فوری انسانی، خوراک اور طبی امداد پہنچائی جائے۔اسی طرح ایک جامع اور منصفانہ امن کے راستے کو بحال کیا جائے جو فلسطینی عوام کو ان کے جائز حقوق تک رسائی کی ضمانت دے۔