'ہاؤس فل 2' کے اداکار کو شوٹنگ کے بعد دل دورہ

بالی وڈ اداکار شریاس تلپڑے کو دل کا دورہ پڑنے کے باعث اسپتال منتقل کردیا گیا۔

بھارتی میڈیا  کے مطابق اداکار شریاس تلپڑے نے مشہور کامیڈی فلم 'گول مال اگین' اور 'ہاؤس فل 2' جیسی ہٹ فلموں میں اپنا کردار ادا کیا ہے۔

رپورٹس کے مطابق اداکار ممبئی میں فلم اسٹار اکشے کمار کے ساتھ اپنی نئی فلم ' ویلکم ٹو دی جنگل' کی شوٹنگ کے بعد گھر پہنچے پر اپنی اہلیہ سے طبیعت میں بےچینی کا ذکر کیا جس کے بعد انہیں فوری اسپتال لے جایا جارہا تھا کہ اس دوران  اداکار کو سینے میں تکلیف اٹھی اور وہ زمین پر گرگئے۔

بھارتی میڈیا کے مطابق مقامی اسپتال انتظامیہ نے شریاس تلپڑے کے اسپتال میں داخل ہونے کی تصدیق کرتے ہوئے بتایا کہ اداکار کو دیر رات گئے اسپتال لایا گیا تھا جہاں ان کی فوری طور پر انجیو پلاسٹی کی گئی ہے اور ان کا مزید علاج جاری ہے۔