عام انتخابات کیلئے کیسز آج ہی سماعت کیے جانے کا امکان

سپریم کورٹ میں عام انتخابات کیس آج ہی ہنگامی بنیادوں پر مقرر کیے جانےکا امکان ہے۔ اٹارنی جنرل منصور عثمان اعوان سپریم کورٹ پہنچ گئے ہیں۔

ذرائع کے مطابق الیکشن کمیشن کا لاہور ہائی کورٹ اور اسلام آباد ہائی کورٹ کے فیصلے چیلنج کئے جانے کا امکان ہے۔ 

سپریم کورٹ کا کمرہ عدالت  نمبر ایک کھول دیا گیا ، الیکشن کمیشن لاہور ہائیکورٹ اور سپریم کورٹ کے فیصلوں کو چیلنج کرے گا ۔ 

چیف الیکشن کمیشنر کی چیف جسٹس سے اسی سلسے میں ملاقات بھی ہوئی ہے ، پولیس اہلکار بھی عدالت کے باہر آنا شروع ہو گئے ہیں ۔ 

الیکشن کمیشن لاہور ہائیکورٹ اور اسلام آباد ہائیکورٹ کے فیصلے چیلنج کرے گا، ذرائع#GNN #GNN_Updates #BreakingNews pic.twitter.com/h4UMaz8q78

— GNN (@gnnhdofficial) December 15, 2023

سپریم کورٹ کے ججز بلاک کی لائٹس بھی روشن کر دی گئیں ہیں ، سپریم کورٹ میں عام انتخابات کیس آج ہی مقرر کیے جانے کا امکان ہے ۔ 

چیف جسٹس آف پاکستان اور دو سینئر ججز بھی سپریم کورٹ میں موجود ہیں ، آج ہی عدالت عظمی کا بینچ تشکیل دیے جانے کا امکان ظاہر کیا جا رہا ہے ۔