خدیجہ شاہ کومزید 7روزہ ریمانڈ پر پولیس کے حوالے کردیا گیا

خدیجہ شاہ کو پولیس نے 3 روز کا ریمانڈ مکمل ہونے کے بعد عدالت میں پیش کیا۔ پولیس نےکوئٹہ کی انسداد دہشت گردی  عدالت سے خدیجہ شاہ کے 14 روز کے ریمانڈ کی استدعا کی تھی ، عدالت نے خدیجہ شاہ کا 7 روزہ جسمانی ریمانڈ منظور کر کے خدیجہ شاہ کو پولیس کے حوالے کر دیا ۔ 

اے ٹی سی میں خدیجہ شاہ کے کیس کی پیروی اقبال شاہ ایڈووکیٹ نے کی۔

پولیس کے مطابق خدیجہ شاہ 9 مئی کے واقعات میں پی ٹی آئی کارکنوں کو اشتعال دلانے کے مقدمے میں نامزد ہیں ، پولیس حکام کے مطابق  اشتعال دلانے کے بعد کارکنان نے توڑ پھوڑ کی اور شر انگیزی بھی پھیلائی ہے ۔ 

یاد رہے کہ خدیجہ شاہ کو گزشتہ منگل کو لاہور سے حراست میں لےکر کوئٹہ منتقل کیا گیا تھا۔