محسن نقوی نے کرتارپورراہداری سے منسلک درشن ریزورٹ کے قیام کی منظوری دیدی

لاہور : پنجاب کے نگران وزیراعلی محسن نقوی نے سیاحت کے ترقیاتی ادارے کے تحت کرتارپورراہداری سے منسلک درشن ریزورٹ کے قیام کی باضابطہ منظوری دی ہے۔
 محسن نقوی نے جمعہ کولاہور میں ایک اجلاس کی صدارت کرتے ہوئے کرتار پور راہداری سے منسلک 50 کمروں کے اس ہوٹل پراجیکٹ کی منظوری دی۔انہوں نے کہا کہ سکھ یاتریوں کو ایمن آباد، فاروق آباد، ننکانہ صاحب اورکرتارپور ہ میں تمام سہولتیں فراہم کی گئی ہیں۔

انہو ں نے کہا کہ ہم سکھ یاتریوں کو ناصرف مذہبی سیاحت کی دعوت دیتے ہیں بلکہ ان کا بھرپور خیرمقدم کرتے ہیں۔اجلاس میں سیکریٹری ٹور ازم پنجاب نے محسن نقوی کو کرتار پور درشن ریزورٹ کے بارے میں بریفنگ دی۔