پیپلز پارٹی کا آن لائن اجلاس ، سیٹ ایڈجسٹمنٹ کا فیصلہ

پیپلز پارٹی کی جانب سے آن لائن اجلاس کا انعقاد کیا گیا ، چیئرمین پیپلز پارٹی بلاول بھٹو کی زیر صدارت اجلا س میں انتخابی تیاریوں کا جائزہ لیا گیا ، اجلاس میں انتخابی اتحاد کی جبائے سیٹ ایڈجسٹمنٹ کرنے کا فیصلہ کیا گیا ۔

اجلاس میں پی پی پی شعبہ خواتین کی مرکزی صدر فریال تالپور بھی موجود تھیں، اجلاس میں عام انتخابات کے شیڈول اور انتخابی مہم کے حوالے سے حکمت عملی پر تبادلہ خیال کیا گیا۔

شرکا نے اجلاس میں عام انتخابات کے حوالے سے پارٹی منشور اور عوامی رابطہ مہم پر بھی بات چیت کی، اجلاس میں ملک کی مجموعی سیاسی صورت حال سمیت اہم امور پر گفتگو کی گئی۔

پیپلزپارٹی کاآن لائن اجلاس !
بڑافیصلہ کرلیا!!#GNN #GNN_Updates #BreakingNews #NewsUpdates pic.twitter.com/g55wr9NQ31

— GNN (@gnnhdofficial) December 17, 2023

اجلاس میں سید یوسف رضا گیلانی، شیری رحمان، شازیہ مری، فیصل کریم کنڈی، نثار کھوڑو، مخدوم احمد محمود ، محمد علی شاہ باچہ، مراد علی شاہ، منظور وسان، حسن مرتضیٰ نے شرکت کی۔

روزی خان کاکڑ، ناصر شاہ، صغیر قریشی، خورشید شاہ، قمر زمان کائرہ، میر ثنااللہ زہری، ندیم افضل چن، شرجیل میمن اور مکیش چاولہ بھی اجلاس میں شریک ہوئے۔