عثمان ڈار کے گھر ایک بار پھر پولیس کا چھاپہ، والدہ سے مبینہ بدسلوکی

پاکستان تحریک انصاف کے سابق رہنما اور وفاقی وزیر عثمان ڈار کے گھر ایک بار پھر پولیس کا چھاپہ مارا۔ عثمان ڈار کی والدہ نے کہا کہ پولیس والوں نے ہمارے ساتھ بدتمیزی کی انتہاء کر دی

[English Subtitles]

Violence against women continues in #PakistanUnderFascism as police broke into Dar brothers house yet again to harass and intimidate their mother.

This elderly woman in her seventies entered the field of politics when her son was abducted and forced to leave… pic.twitter.com/wy1HtIoDO3

— PTI (@PTIofficial) December 19, 2023

سوشل میڈیا پلیٹ فارم ایکس پر اپنے ٹویٹ میں عثمان ڈار نے اپنی والدہ کا ویڈیو پیغام جاری کیا جس میں ان کی والدہ نے کہا کہ  خواجہ آصف کے ایماء پر میرے گھر پر چھاپہ مارا گیا، میرے ساتھ بد سلوکی کی انتہاء کر دی گئی، میرا گریبان پھاڑ کر مجھے زدو کوب کیا گیا۔

?? pic.twitter.com/kl56SWo7id

— Usman Dar (@UdarOfficial) December 19, 2023

انہوں نے مزید کہا کہ گھر میں موجود خواتین کے کپڑے پھاڑے گئے، یہ سب کچھ خواجہ آصف کے ایماء پر ہوا اور مجھے الیکشن لڑنے سے روکنے کیلئے کیا گیا، لیکن میں ہر صورت الیکشن لڑوں گی، یہ میرے دل کا فیصلہ ہے۔

انہوں نے کہا کہ چیف جسٹس صاحب میں بطور والدہ آپ سے انصاف چاہتی ہوں، مجھے انصاف دیں، میرا گھر بلڈوزر سے بھی گرا دیں تب بھی خواجہ آصف کا مقابلہ کروں گی، ہتھ کڑیاں لگا دیں چاہے جیل بھیج دیں ، ہر صورت الیکشن لڑوں گی۔