کراچی میں ن لیگ کے ساتھ سیٹ ایڈجسٹمنٹ نہیں ہوئی، ایم کیو ایم

کراچی: متحدہ قومی موومنٹ (ایم کیو ایم) پاکستان کے ترجمان کا کہنا ہے کہ کراچی کے ضلع کیماڑی این اے 242 کے حوالے سے ایم کیو ایم اور پاکستان مسلم لیگ (ن) کی سیٹ ایڈجسٹمنٹ نہیں ہوئی۔

ترجمان نے کہا کہ ایم کیو ایم پاکستان کی این اے 242 کی سیٹ ایڈجسٹمنٹ کی خبریں بے بنیاد ہیں۔

ایم کیو ایم پاکستان کے ترجمان نے مزید کہا کہ ایم کیو ایم کے سینئر ڈپٹی کنوینر مصطفیٰ کمال این اے 242 سے پارٹی کے امیدوار ہیں۔

واضح رہے کہ مسلم لیگ ن کے صدر شہباز شریف نے کراچی کے حلقہ این اے 242 سے کاغذات نامزدگی حاصل کر لیے ہیں، ایم کیو ایم پاکستان کے مصطفیٰ کمال نے این اے 242 سے کاغذات نامزدگی جمع کرائے ہیں۔

2018 کے انتخابات میں شہباز شریف اس حلقے سے دوسرے نمبر پر رہے جبکہ گزشتہ انتخابات میں ایم کیو ایم چوتھے نمبر پر رہی تھی۔