اقوام متحدہ سے بھی قرارداد منظور کروا لیں، الیکشن 8 فروردی کو ہی ہونے ہیں، بلاول بھٹو

بلاول بھٹو زرداری نے میڈیا سے گفتگو کرتے ہوئے کہا ہے کہ سینیٹ کی قرارداد اپنی جگہ، آپ اقوام متحدہ سے بھی قرارداد منظور کروا لیں، الیکشن 8 فروردی کو ہی ہونے ہیں کیونکہ یہ چیف جسٹس قانی فائر عیسی کا حکم ہے۔ 3 سے 4 سینیٹرز کی رائے میں زیادہ قانوی اور آئینی وزن ہے یا چیف جسٹس کے فیصلے میں۔

بلاول بھٹو نے سپریم کورٹ کے باہر میڈیا سے گفتگو کی ہے۔ ان کا کہنا تھا کہ آج ہم ذوالفقار بھٹو کیس کے ریفرنس کے لیے سپریم کورٹ آئے ہیں۔ ہمیں پوری امید ہے کہ ہمیں انصاف ملے گا۔ آج موقع ہے کہ سپریم کورٹ تاریخ کو درست کرے۔ 

بلاول بھٹو کا کہنا تھا کہ جس طریقے سے یہ فیصلہ کروایا گیا وہ بار بار دہرایا جا رہا ہے۔ ہمیں پورا یقین ہے کہ چیف جسٹس اس کیس میں ہمارے ساتھ انصاف کریں گے۔ ہم چاہتے ہیں کہ اس کیس کا جلد از جلد فیصلہ کیا جائے۔ امید کرتے ہیں کہ چیف جسٹس اس کیس میں مزید تاخیر نہیں کریں گے۔ 

انہوں نے کہا کہ کراچی میں پی پی نے بہت ترقی کی ہے، یہ پہلی بار ہوا ہے کہ کراچی اور بلدیاتی الیکشن دونوں ایک ساتھ جیتے ہیں، ہم ملتان میں جیتے کئی جگہ ن لیگ کو شکست دی، ہم پرامید ہیں کہ کراچی کے عوام اس بار پی پی کو ضرور موقع دیں گے یہ پہلی بار ہوگا کہ کراچی کا بلدیاتی، سندھ کا صوبائی اور پاکستان کا وفاقی نظام پیپلز پارٹی کے پاس ہوگا۔ الیکشن کمیشن میں اثرو رسوخ کے ذریعے پی ٹی آئی کو زبردستی بلا دلوایا گیا تھا کیوں کہ پاکستان کے عوام کرکٹ سے محبت کرتے ہیں۔

انہوں نے واضح کیا کہ 8 فروری کو الیکشن ہوں گے۔ چاہے اقوام متحدہ سے ہی کیوں قرارداد پاس نہ ہوجائے۔ سپریم کورٹ کا واضح فیصلہ ہے کہ الیکشن 8 فروری کو ہوں گے۔ ہم تمام سیاسی جماعتوں کا مقابلہ کر رہے ہیں۔ ہم واحد جماعت ہیں جو منشور سامنے لاتے ہیں۔ پاکستان پیپلز پارٹی سے تلوار کا نشان چھینا گیا اور ہم تیر سے الیکشن لڑے۔ پی ٹی آئی کو سیاسی فائدہ پہنچانے کےلئے بلے کا نشان ڈالا گیا۔

انہوں نے واضح کیا کہ خان صاحب اگر بےگناہ ہیں تو انہیں جیل میں نہیں ہونا چاہیے لیکن اگر وہ گناہگاہ ہیں تو جیل میں ہونا چاہیے۔ پاکستان پیپلز پارٹی کسی کے خلاف غلط فیصلہ نہیں چاہتی۔ 

انہوں نے سوال کیا کہ خان صاحب کی رائے تھی کہ چوروں کو پھانسی دی جائے اور 200 سیاستدانوں کو سزا دیں۔ عمران خان سے پوچھنا چاہئے کہ کیا آج وہ اپنے مؤقف پر قائم ہیں؟