پی ایس ایل 6 کے بقیہ میچز میں غیرملکی کھلاڑیوں کی شرکت غیریقینی

ذرائع کے مطابق بنگلہ دیشی کھلاڑی ہوم سیریز کے باعث لیگ کے بقیہ میچز کے لیے دستیاب نہیں ہیں۔

ویسٹ انڈیز اورجنوبی افریقہ کی سیریز کے باعث بھی متعدد غیرملکی کھلاڑیوں کی پی ایس ایل میں شرکت غیریقینی ہے۔

ذرائع نے جی این این نیوز کو بتایا ہے کہ شکیب الحسن کی لاہور قلندرز کے لئے نمائندگی بھی مشکل ہے جب کہ محموداللہ اور جارج لینڈے ملتان سلطانز کو دستیاب نہیں ہوں گے۔

جوئے برنز، بین کٹنگ بھی بقیہ میچز کے لیے دستیاب نہیں، ری پلیسمنٹ ڈرافٹ میں منتخب کیے جانے والے متعدد کھلاڑی بقیہ میچز کے لیے عدم دستیاب ہوں گے۔

کھلاڑیوں کی عدم دستیابی کی صورت میں فرنچائزز کو متبادل کھلاڑی چننے کی ہدایت بھی کر دی گئی ہے۔