لاہور سمیت ملک کے مختلف علاقوں میں زلزلے کے جھٹکے

لاہور: لاہور سمیت ملک کے مختلف علاقوں میں زلزلے کے جھٹکے محسوس کیے گئے ہیں۔

اسلام آباد، راولپنڈی ، اٹک پشاور، مردان، میانوالی میں بھی زلزلے کے جھٹکے، زلزلے کی شدت ریکٹر سکیل پر 6 ریکارڈ کی گئی۔ گہرائی 213 کلو میٹر تھی۔

زلزلے کا مرکز ہندوکش پیما افغانستان تھا۔

اس کے علاوہ ڈی آئی خان، بنوں، ہنگو، دیامر، پارا چنار، منڈی بہاءالدین، بھکر، نوشہرہ، مظفرآباد، وادی نیلم آزاد کشمیر میں بھی زلزلے کے جھٹکے محسوس کیے گئے۔

لوگ کلمہ طیبہ کا ورد کرتے گھروں سے باہر نکل آئے، اب تک کسی جانی نقصان کی اطلاعات موصول نہیں ہوئیں۔