چین کے دوصوبوں میں زلزلے نے تباہی مچادی

تفصیلات کے مطابق   چین  کے جنوب مشرقی صوبے میں زلزلے سے 72ہزار سے زائد افراد متاثر ہوئے ہیں جبکہ زلزلے کے بعد 166آفٹر شاکس بھی آئے۔خبر ایجنسی کے مطابق   ہفتے کی صبح  میں ایک دوسرا  7.3 شدت کا زلزلہ  بھی آیا ، جو پہلے زلزلے کے شمال میں تقریبا 1،000 کلومیٹر دور  تھا۔ امریکی جیولوجیکل سروے  کے مطابق   اس زلزلے کا مرکز  شہر کے مشہور سیاحتی مقام ڈالی کے قریب تھا۔حفاظتی اقدامات کے تحت صوبائی حکومت نے 20،000 سے زیادہ افراد کو  محفوظ مقام پر منتقل کردیا ہے ۔  اس علاقے  میں  ایک لاکھ سے زیادہ افراد رہائش پذیر ہیں ، جن میں اکثریت دیہی  علاقوں  کی ہے۔صوبائی حکام متاثرہ علاقوں میں ہنگامی راشن اور خیمے بھیجنے کے ساتھ  ساتھ امدادی سرگرمیاں جاری ہیں۔

 اس سے قبل جمعہ کے روز ، جنوب مغربی چین کے صوبے یونان میں 6.1 شدت کے زلزلے سے کم از کم دو افراد ہلاک  ہوگئے تھے ۔

گزشتہ برس  یونان میں 5 شدت کے زلزلے میں چار افراد ہلاک اور 23 زخمی ہوگئے تھے۔

چین میں حالیہ برسوں میں  بدترین زلزلہ2008 میں   صوبہ سیچوان کے پہاڑی مغربی حصے،  یونان کے شمال  میں آیا تھا ، جس میں قریبا 90،000 افراد ہلاک ہوگئے تھے۔